![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Vrasja e biznesmenti Edmond Papa më 16 dhjetor 2022 dyshohet se ka lidhje me ekzekutimin e Aleksandër Sadikajt.
30-vjeçari Albano Velo, i arrestuar si i dyshuari kryesor për vrasjen e Edmond Papa, mësohet se ka lidhje shoqërore me Aleksandër Sadikajn.
Në profilin e tij në rrjetet sociale, ekziston një foto të Velos dhe Sadikajt në një nga klubet e Tiranës duke festuar vitin e ri më 2017.
Pritet të zbardhen të tjera detaje në lidhje me motivet që lidhin dy krimet me njëra tjetrën.
Pas dy javësh hetime, mbledhje provash, policia tha sot se kishte zbardhur vrasjen e Edmond Papa që tronditi vendin në mes të dhjetorit të vitit që lamë pas, në një lokal në Tiranë.
Albano Velo sakaq ka mohuar përfshirjen e tij në këtë krim, teksa është marrë në pyetje, ndërkohë që gjykata e Tiranës i ka caktuar masën e sigurisë “arrest me burg”.
![Albano Velo dhe Aleksander Sadikaj](http://www.panorama.com.al/wp-content/uploads/2023/01/albano-velo-e-sadikaj-e1672742554183.jpg)
Vrasja e Aleksandër Sadikajt
27 vjeçari Aleksandër Sadikaj, u vra më 11 qershor 2022 në aksin Sauk -TEG, kur makina me të cilën po udhëtonte shpërtheu, si pasojë e vendosjes së tritolit.
Nga shpërthimi Sadikaj humbi 2 gjymtyrët e poshtëm, e mundi të dilte vetë nga makina e të dërgohej në spital, por nuk arriti t’i mbijetonte plagëve të rënda.
Sadikaj ishte pronar i një resorti me pistë hipizmi në Memaliaj./ Panorama.al